FREE DELIVERY IN YEREVAN FROM 15.000 AMD PURCHASE
5 ՀԻՄՆԱԿԱՆ MAKEUP ՊՐՈԴՈՒԿՏ ՈՐ ԻՍԿԱՊԵՍ ԱՆՀՐԱԺԵՇՏ Է ՔԵԶ

5 ՀԻՄՆԱԿԱՆ MAKEUP ՊՐՈԴՈՒԿՏ ՈՐ ԻՍԿԱՊԵՍ ԱՆՀՐԱԺԵՇՏ Է ՔԵԶ

webphotoeditor-1Գեղեցկության աշխարհը կարող է աներևակայելի գայթակղիչ թվալ:
Գրեթե ամեն օր աշխարհում լույս են տեսնում նոր makeup պարագաներ, և գիտակցումը, թե դրանցից որն է մեզ իսկապես անհրաժեշտ, դառնում է էլ ավելի դժվար:
Արի՛ խոստովանենք՝ երբ գտնվում ես կոսմետիկայի խանութում, անկախ քո կամքից՝ ցանկանում ես գնել ամենը, ինչ տեսնում ես, քանզի անհնար է դիմակայել այդչափ գեղեցիկ փաթեթավորմանը, գույներին և փայլերին:
Այս և մի շարք նմանատիպ պատճառներով է, որ կանանց հարդարման սեղանին կան ամենատարբեր գույների և տեքստուրաների շրթներկեր, սակայն առօրյա կերպարն ամբողջացնելու համար միշտ որևէ բան բացակայում է։ Եվ որպեսզի քո առօրյա դիմահարդարումը թերի չմնա, մենք առանձնացրել ենք այն 5 կարևորագույն կոսմետիկ պարագաները, որոնք առաջինը պետք է տեղ գտնեն քո դիմահարդարման պայուսակում։

 

1.PRIMER – Դիմահարդարման հիմք

webphotoeditor-2Դիմահարդարման հիմքը (բազան), կիրառվում է նախքան դիմահարդարումը սկսելը: Այս պրոդուկտի հիմնական առաքելությունը մաշկը հարթենցնելն ու հղկելն է՝ պատրաստելով այն դիմահարդարման մյուս փուլերին: Այն անհրաժեշտ է քսել մաքուր և նախապես խոնավեցված մաշկին: Բազան հարթեցնում է բոլոր, անգամ խոշոր և տեսանելի ծակոտիները՝ այսպիսով հանդիսանալով պատնեշ հետագայում ծակոտիներում տոնային քսուքի կուտակումներից խուսափելու համար: Բացի այդ, այն ապահովում է ավելի մնայուն դիմահարդարում ողջ օրվա ընթացքում: Բազաները կարող են ունենալ կրեմային կամ գելային տեքստուրաներ, լինել երանգավորված կամ անգույն: Երանգավորված բազայի դեպքում, եթե այն համապատասխանում է քո մաշկի տոնին և առօրյա դիմահարդարման պարագայում չունես քողարկելու ակնհայտ խնդիրներ,ուրեմն երբեմն կարող ես բաց թողնել տոնային քսուքի կիրառումը: Տարբերում են բազաներ ինչպես դեմքի, այնպես էլ աչքերի համար: Վերջիններս թույլ են տալիս կոպերը դարձնել միատոն, և ստվերաներկ օգտագործելիս բացառել կոպերի միջև առաջացող ծալքերը՝ ապահովելով ստվերաներկի ավելի դյուրին տարածում և պիգմենտացիա:

webphotoeditor-72.FOUNDATION – Տոնային քսուք

Դիմահարդարումը սկսվում է հենց տոնային քսուքի տարածմամբ : Տոնային քսուքը մաշկին հաղորդում է թավշյա հարթ երանգ և իրականացնում է այլ բազմաթիվ գործառույթներ: Սակայն այդ բոլոր գործառույթները կյանքի բերելու համար, նախ և առաջ պետք է ընտրել ճիշտ տոնային քսուք, որը յուրաքանչյուրի համար կարող է լինել տարբեր տեսակի և երանգի : Անկախ նրանից, թե որքան լավ վիճակում է գտնվում մաշկը, տոնային քսուքի դերը մեծ է, քանի որ այն թարմ տեսք է տալիս դիմահարդարմանը : Մոտեցի՛ր տոնային քսուքի ընտրությանը ամենայն լրջությամբ և օգտագործի՛ր հնարավոր բոլոր միջոցները ճիշտ ընտրություն կատարելու համար, քանզի միայն ճիշտ տոնայինի ընտրությունն է դիմահարդարումդ դարձնում կոկիկ և բնական: Խանութում ընտրություն կատարելիս ստուգի՛ր տոնը կզակի կամ այտոսկրի վրա, ոչ թե ձեռքի, ինչպես անում են շատերը և սխալվելով ընտրում ոչ ճիշտ երանգ:

 

webphotoeditor-33.CONCEALER – Քողարկիչ

Քողարկիչը դիմահարդարման հաջորդ ամենապարտադիր տարրերից մեկն է :
Այս հրաշք պրոդուկտը կախարդական փայտիկի դեր է տանում դիմահարդարման մեջ՝ հաղորդելով մաշկին անթերի ծածկույթ: Այնուամենայնիվ տվյալ պրոդուկտի կիրառումը կարող է բարդ թվալ, սակայն ճիշտ տեխնիկայի յուրացման դեպքում, զմայելի արդյունք կստանաս:

Գոյություն ունի երկու տեսակ քողարկիչ․

• Նախատեսված աչքերի համար
• Նախատեսված դեմքի համար

Աչքերի համար նախատեսված քողարկիչն իր մեջ պարունակում է խոնվեցնող բաղադրիչներ, քանի որ աչքերի շուրջ հատվածի մաշկը չափազանց բարակ է և նուրբ։ Իսկ դեմքի համար նախատեսված քողարկիչը ունի ավելի խիտ և չոր բաղադրիչներ, որոնք նպաստում են դեմքի տոնային անհարթությունները և այլ թերությունները ծածկելու համար:

 

webphotoeditor-5

 

4.MASCARA – Թարթչաներկ

Ասում են՝ աչքերը հոգու հայելին են, ահա թե ինչու յուրաքանչյուրիս կոսմետիկ պայուսակում պարտադիր պետք է տեղ գտնի թարթչաներկը:
Թարթչներկի միջոցով հասնում ես ակնթարթային փոխակերպման, քանի որ այն վիզուալ առանձնացնում է թարթիչները, աչքերը դարձնում ավելի արտահայտիչ և գրավիչ:

Թարթչաներկի երանգը կարող ես ընտրել սև կամ շագանակագույն (մանավանդ երբ խոսքը գնում է առօրյա դիմահարդարման մասին)՝ ելնելով աչքերիդ և թարթիչներիդ գույնից:

Որոշի՛ր, թե քեզ համար ինչն է ավելի կարևոր` ծավա՞լը, երկարությունը, թեքությունը թե՞ բոլորը միանգամից:
Բարձրորակ թարթչաներկերը համատեղում են բոլոր այս հատկությունները:

webphotoeditor-65.LIPSTICK – Շրթներկ

Եվ վերջին, բայց ոչ պակաս կարևոր դեր ունեցողը շրթներկն է:
Շուրթերին գեղեցիկ երանգի կիրառումը իսկապես կատարյալ է դարձնում տեսքը և վերջնականացնում է այն:

Առօրյա դիմահարդարման մեջ, շրթներկը ցանկալի է ընտրել շուրթերին մոտ երանգ: Եթե չունես նախընտրելի գույն, կարող ես առօրյաում օգտագործել բալզամ (Lip Gloss), որը առողջ և գեղեցիկ տեսք կտա շուրթերիդ:

Դիմահարդարումն առանց շրթներկի կարող է անխնամ տեսք հաղորդել քեզ, այդ իսկ պատճառով կարևորի՛ր շրթներկի առկայությունը քո առօրյայում:

Ահա այս 5 էական MakeUp պրոդուկտներն էինք առանձնացրել քեզ համար, իսկ եթե ունես հավելումներ, գրի՛ր մեր ֆեյսբուքյան կամ ինստագրամյան էջին: Սիրով պատրաստ ենք զրուցել և կիսվել խորհրդատվությամբ:

2 FREE SAMPLES 2 FREE SAMPLES
FREE DELIVERY IN YEREVAN FROM 15.000 AMD PURCHASE FREE DELIVERY IN YEREVAN FROM 15.000 AMD PURCHASE
GIFT PACKAGING FOR ALL ORDERS GIFT PACKAGING FOR ALL ORDERS
SECURE PAYMENT SECURE PAYMENT